超卡嘩依🥰沙田帝都酒店拉麵/紅腸煎蛋飯cute cute蛋糕

每次見到一啲造型特別嘅蛋糕心情都會變好🎉今次見到沙田帝都酒店嘅蛋糕櫃放滿咗迷你拉麵同埋你紅腸煎蛋飯，超級搶眼，令我好有興趣想知究竟係咩蛋糕，就買咗返屋企試喇～ 「紅腸煎蛋飯」 不得不說個迷你公雞碗真係好盞鬼，一見到就好鍾意了🥰食曬啲蛋糕個碗仔可以收藏嚟下次用！紅腸係有牛油曲奇製成，中午買完擺到夜晚先食都唔會太淋，至於塊煎蛋係有白朱古力造成，味道偏甜～食完啲配料睇吓下面係咩傢伙先，嘩！原來一粒粒嘅白飯係白朱古力脆米嚟，再用匙羹挖深啲，入面係栗子海綿蛋糕，又幾得意喎✨ 「人氣拉麵」 迷你拉麵一樣用咗個精美嘅碗仔載住， 雖然比起紅腸煎蛋飯係細碗咗啲，不過精緻程度一樣咁高！😎🤟底層係芒果吉士蛋糕，食得出有粒粒芒果肉，而面層就鋪咗用吉士慕絲製成嘅麵條，最後加入伯爵茶啫喱當成湯底，湯底呈現半透明嘅狀態，幾可亂真👀 配料方面有白朱古力製成嘅鳴門卷片同開心果當成蔥花做裝飾，蛋糕甜度剛剛好，好睇又好食🙆 #蛋糕 #甜品 #沙田 #新城市廣場 #hkig #hongkong #香港美食 #foodhk #hkblogger #帝都酒店 #相機食先 #食食食 #hkcafe #hkfood #hkfoodie #hkfoodblogger #cafehk #食好西 #foodiehk #ighk #hongkongfood #hkcake #hkbakery #ufoodphoto #hkcoffeeshop #hkdessert #hkfoodlover #likeforlike #foodstagramhk #bakeryhk (此文章由U Blog 同步發佈至社群)